ԿԱՐԱՍ. նոր սպասարկման կետ նոր drive thru ֆորմատում
2013-12-26
<p><strong>2013թ-ի դեկտեմբերի 26-ին ԿԱՐԱՍ ազգային սննդի ցանցը բացեց 9-րդ սպասարկման կետը. այս անգամ նոր՝ drive thru, ֆորմատով: Լենինգրադյան 1/1 հասցեում գտնվող կետը կոչվում է ԿԱՐԱՍ Auto.</strong></p><p>«ԿԱՐԱՍ Auto-ն ունի լրացուցիչ յուրահատկություն. այն հնարավորություն է տալիս սպասարկել ավտոմեքենայով հաճախորդների: Այս առանցքային քայլը ձեռնարկվել է հաճախորդամետ ռազմավարության շրջանակներում, որը որդեգրվել է սույն թվականի մայիսին մեկնարկված ռեբրենդինգի արդյունքում», - նշեց ընկերության տնօրեն և համասեփականատեր Տիգրան Յուզբաշյանը:</p><p>ԿԱՐԱՍ Auto-ի ընդհանուր տարածքը կազմում է 250քմ: Ռեստորանում ներկայացված ապրանքատեսականին բաղկացած է մոտ 300 ապրանքային միավորից: Ճաշացանկի հիմքում ընկած են հայկական ավանդական խոհանոցի լավագույն կերակրատեսակները: ԿԱՐԱՍ Auto-ն ունի նաև հարմարավետ սրահ սնվելու համար: Բացի այդ, տեղում թխվում է թոնրի լավաշ և վրացական պուրի:</p><p>Ինչպես ցանցի մյուս սպասարկման կետերում, այստեղ ևս գործելու են ցանցի ստանդարտ ծառայությունները` արագ և համեղ առաքում, անկանխիկ վճարումներ, թեժ գիծ և այլն:</p>
