ԿԱՐԱՍ-ը հայտարարել է ռեբրենդինգի մեկնարկի մասին

<p>&nbsp;<strong>ք</strong><strong>.</strong><strong>Երևան</strong><strong>, 14&nbsp;</strong><strong>մայիսի</strong><strong>, 2013</strong><strong>թ</strong><strong>.: &nbsp;Մայիսի 14-ին ԿԱՐԱՍ ընկերությունը սկիզբ է դրել ռեբրենդինգի գործընթացին: Իրադարձությունը խորհրդանշորեն կապվել է ընկերության 8-ամյակի հետ: Ռեբրենդինգը կազդի ոչ միայն ընկերության արտաքին&nbsp; կերպարի, այլ նաև ցանցի գործունեության հիմնական բաղկացուցիչ մասերի վրա:</strong></p><p>&nbsp;</p><hr><p>&nbsp;</p><p>Ռեբրենդինգի իրականացման որոշումը պայմանավորված է 2013-2014թթ. պատվախնդիր բիզնես նպատակներով, ինչպես նաև սպասարկման առջև դրված ժամանակի պահանջներին համապատասխանելու պատրաստակամությամբ: Ընկերությունը նախատեսում է զարգացման նոր փուլ սկսել, որը հիմնված կլինի նախորդ տարիների ձեռքբերումների վրա:</p><p>Բացի այդ, ռեբրենդինգի իրականացման պատճառներից մեկը մրցակիցների կողմից բրենդի կրկնօրինակման հարցն էր: Ընկերության առջև խնդիր էր դրված՝ ապահովել բրենդը յուրահատուկ ֆիրմային ոճով, որը դժվար կլինի կրկնօրինակել:</p><p>Ռեբրենդինգը կազմված է երկու մասից` բրենդի արտաքին թարմացում և ներքին գործընթացների կատարելագործում:</p><p>Արտաքին թարմացումը փոփոխված ֆիրմային ոճն է, ռեստորանների և բիստրոների նոր ձևավորումը, նոր լոգոտիպը: Ընկերությունը պահպանել է ապրանքային նշանի անվանումը, որը բավականին ճանաչված է հայկական շուկայում, սակայն փոխել է լոգոտիպը` դարձնելով այն ավելի ժամանակակից, դինամիկ, հաճախորդների ընկալմանն ավելի մոտ:</p><p>Իսկ ահա ընկերության ներքին գործընթացների կատարելագործումը բավականին երկար և լավ պլանավորված գործընթաց է: Այն ենթադրում է հաճախորդների սպասարկման չափանիշների, ապրանքատեսականու թարմացում, անձնակազմի ուսուցում, ինչպես նաև, վերջիններիս հետ կապված բիզնես գործընթացներ: &nbsp;Նախատեսվող փոփոխությունների առանցքային ասպեկտներից մեկը նոր ֆորմատի ռեստորանի ներդրումն է` ԿԱՐԱՍ Auto (drive thru), որը կմեկնարկի այս տարվա օգոստոսին, ինչպես նաև Լոյալության Ծրագիրը` սեպտեմբերին:</p><p>Ընկերությունը գիտակցում է, որ 2-րդ գործընթացն ավելի բարդ է: Շատ կարևոր է նշել, որ նախատեսվում է փոխել ոչ միայն սպասարկման կետերի ցուցանակները, այլև անցկացնել համալիր միջոցառումներ, որոնք առաջին հերթին կանդրադառնան բիզնեսի կառավարման թարմացված մոտեցումների ներդրման վրա, այն է` ավելի հստակ հաճախորդամետություն ընկերության բոլոր բիզնես գործընթացներում:</p><p>ԿԱՐԱՍ ցանցի ռեբրենդինգի շրջանակում որդեգրվող հաճախորդամետ ռազմավարությունը մեկ օրվա աշխատանք չէ: Այս գործընթացն արդեն մեկնարկված է և կշարունակվի առաջիկա վեց ամիսների ընթացքում:</p><p><strong>Բրենդի տեսլականը</strong></p><p>Լինել մասսայական ազգային սննդի բրենդը:</p><p><strong>Բրենդի առաքելությունը</strong></p><p>Նպատակ ունենալով սպասարկել հասարակության առավել լայն հատվածին ժամանակակից կյանքի ռիթմին համահունչ` մենք առաջարկում ենք ավանդական ազգային խոհանոցի ընտրանին` խնայելով մեր հաճախորդների ժամանակն ու տրամադրելով գնի եւ որակի լավագույն համադրություն:</p><p><strong>Բրենդի&nbsp;</strong><strong>արժեքները</strong><strong>&nbsp;</strong></p><ul><li>Հասանելի</li><li>Պատասխանատու</li><li>Լավագույն առաջարկ</li><li>Ժամանակակից, ազգային</li><li>Արագ</li></ul><p>Բացի այդ, ԿԱՐԱՍ-ն այժմ ունի կարգախոս` «Ես ընտրում եմ քեզ»: Իսկ այսուհետև այն կանվանվի ոչ թե «Թոնրատների Ցանց», այլ «Ազգային Սննդի Ցանց»:</p><p>&nbsp;</p>