ԿԱՐԱՍ. երկու նոր մասնաճյուղ մեկ օրում

<p><strong>ք. Երևան, դեկտեմբերի&nbsp;30, 2014թ.: Ամանորի&nbsp;նախաշեմին Կարաս ազգային սննդի ցանցը հաճելի անակնկալ մատուցեց իր հաճախորդներին՝ բացելով միանգամից 2 նոր&nbsp;մասնաճյուղ: Այժմ ցանցը ներառում է իր մեջ 13 ռեստորան և բիստրո:</strong></p><p>Նոր բացված մասնաճյուղերից մեկը, որը ներկայանում է «ռեստորան» ձևաչափով, գտնվում է անմիջապես քաղաքի սրտում՝ Հանրապետության Հրապարակի հարևանությամբ՝ Աբովյան 1/1 հասցեում: Ռեստորանի ընդհանուր տարածքը կազմում է 200քմ: Սա արդեն չորրորդ Կարասն է Երևանի կենտրոնում, որը հնարավորություն կընձեռի սպասարկել ավելի մեծ քանակությամբ հաճախորդների պիկ ժամերին: &nbsp;&nbsp;<br>Երկրորդ մասնաճյուղը գտնվում է Երևանի ամենամեծ վարչական շրջանում՝ Էրեբունիում, Արցախի 2/8 հասցեում: Գտնվելով երկաթուղային կայարանի և «Կայարանի շուկա» գյուղատնտեսական շուկայի հարևանությամբ՝ նոր Կարաս բիստրոն, որի ընդհանուր մակերեսը կազմում է 150 քմ, այցելուներին հնարավորություն կընձեռի արագ, մատչելի և ամենակարևորը որակյալ սնվել:</p><p>Նոր մասնաճյուղերում ներկայացված ապրանքատեսականին բաղկացած է մոտ 300 ապրանքային միավորից: Ճաշացանկի հիմքում ընկած են հայկական ավանդական&nbsp;խոհանոցի լավագույն կերակրատեսակները, իսկ ինտերիերը ձևավորված է ժամանակակից ոճով:</p><p>Ինչպես ցանցի մյուս մասնաճյուղերում, այստեղ ևս գործում են ցանցի ստանդարտ ծառայությունները` արագ և համեղ առաքում, անկանխիկ վճարումներ, թեժ գիծ և այլն:</p><p>Աբովյան 1/1 հասցեում գտնվող ռեստորանը և Արցախ փողոցի բիստրոն աշխատում են ամեն օր՝ 10:00-01:00:&nbsp;</p>