«Սահմանն իմ հոգում». Կարասը հրապարակել է բարեգործական մարաթոնի առաջին փուլի արդյունքները
2015-12-28
<p><strong>Դեկտեմբերի 27-ին</strong><strong>,</strong><strong> ավարտվեց Կարաս ազգային սննդի ցանցի կողմից մեկնարկած «Սահմանն իմ հոգում» Բարեգործական մարաթոն</strong><strong>ի առաջին փուլը: </strong><strong>Հավաքված միջոցներով ցանցը կարողացավ գնել 1328 Ամանորյա հավաքածու, որոնք բաժանվեցին Տավուշի 11 սահմանամերձ գյուղերի դպրոցականներին և ուսուցիչներին: Իսկ մարաթոնի ավարտն ամփոփվեց Իջևանում՝ տոնական համերգով հայկական արվեստի ազգանվեր ներկայացուցիչների մասնակցությամբ: </strong></p><p>«Այս գյուղերում անցկացված երկու օրերը մեզ համար հոգեպես ծանր էին, սակայն մյուս կողմից երջանկություն էր տեսնել այն ժպիտները, որոնք կարողացանք պարգևել սահմանամերձ գոտում բնակվող ընտանիքներին:</p><p>Այստեղ բնակիչներն ունեն բազմաթիվ խնդիրներ, որոնց մասին դժվար է անգամ պատկերացնել` գտնվելով հեռու այդ մեկուսացված տարածքներից: Թշնամու դիտակետի ուղիղ նշանառության տակ ապրելը հեշտ չէ, սակայն տեղացիները սիրում են իրենց տունը և հերոսաբար չեն լքում այն: Հայրենիքը սկսվում է սահմանից և յուրաքանչյուրիս պարտքն է կանգնել սահմանի կողքին՝ թև ու թիկունք լինելով սահմանապահ գյուղացուն:</p><p><img alt="" src="https://www.karas.am/media/wysiwyg/DSC_0664.JPG" style="width:280px"> <img alt="" src="https://www.karas.am/media/wysiwyg/DSC_0360.JPG" style="width:280px"></p><p>Ցանկանում եմ մեր ողջ անձնակազմի անունից շնորհակալություն հայտնել մեր հաճախորդներին, ովքեր Կարասի հետ միասին աջակցել են թշնամու նշանառության տակ գտնվող սահմանամերձ գյուղերին: Ինչպես նաև շնորհավորել բոլորիս գալիք Ամանորը՝ մաղթելով խաղաղ տարի»,- իր խոսքում նշեց ընկերության համասեփականատեր Տիգրան Յուզբաշյանը:</p><p> <img alt="" src="https://www.karas.am/media/wysiwyg/DSC_0348.JPG" style="width:280px"> <img alt="" src="https://www.karas.am/media/wysiwyg/DSC_0370.JPG" style="width:280px"></p><p>Նշենք նաև, որ երեկ մեկնարկել է «Սահմանն Իմ հոգում» բարեգործական մարաթոնի երկրորդ փուլը, որի շրջանակներում Կարաս ազգային սննդի ցանցի և Բեկոն Պրոդուկտ մսամթերքի գործարանի վաճառքներից միջոցներ են հատկացվում Տավուշի սահմանապահ բոլոր դիրքերը տոնական խոզի բդով ապահովելու համար:</p><p> <img alt="" src="https://www.karas.am/media/wysiwyg/DSC_0598.JPG" style="width:280px"> <img alt="" src="https://www.karas.am/media/wysiwyg/DSC_0547.JPG" style="width:280px"></p><p>«Մեր անվախ բանակը, մեր հայրենիքի հպարտությունն է: Սահմանապահ գյուղացին ու զինվորը մեկ միասնություն են: Դատարկ գյուղը հարված է զինվորի թիկունքին: Զինվորն ավելի ուժեղ է դառնում՝ իմանալով, որ իր կողքին մարդիկ են բնակվում, որ շուրջը կյանք կա՝ կանայք և երեխաներ», - իր խոսքում նշեց ընկերության համասեփականատեր Աշոտ Հարությունյանը:</p><p>Կարաս Ազգային սննդի ցանցը շնորհակալություն է հայտնում Տավուշի թեմի առաջնորդ Բագրատ Սրբազանին և երգիչ-երգահան Դավիթ Ամալյանին, ովքեր ի սկզբանե եղել են «Սահմանն իմ հոգում» բարեգործական մարաթոնի կողքին: Ինֆորմացիոն աջակիցներ Ռադիո Վանին և Ռադիո Ջանին: Եվ բոլոր նրանց, ովքեր միացել են բարեգործական մարաթոնին՝ «Բեկոն Պրոդուկտ» մսամթերքի գործարանին, «Menu.am» միացյալ պատվերների համակարգին, «Զուզու» ապրանքանիշին, «Արարատ» սննդի կոմբինատին, «Կրիստալ» մաքրող միջոցների արտադրությանը, «Կիլիկիա» գարեջրի գործարանին, «Ռոկարէ-Տրանս» հրավառությունների խանութ-սրահին, Վերան ՍՊԸ-ին, որն աջակցել է բեռնափոխադրումների հարցում, ԱՄՆ-ից Մարտին Սուքունյանին և իր ընկերներին, ինչպես նաև «Օվացիա» պրոդյուսերական կենտրոնի գլխավորությամբ, հայկական արվեստի ներկայացուցիչներին, ովքեր միացան մարաթոնին բարեգործական համերգով՝ ի դեմս</p><ul><li>Երգիչներ՝ Արսեն Գրիգորյանին (Մրո), Մկրտիչ Մկրտչյանին, Արմեն Դանիելյանին, Ռուբեն Սասունցուն, Արսեն Սաֆարյանին, Բղդոյին, Տիգրան Պետրոսյանին և Սրբուհի Ստամբոլցյանին;</li><li>Երգի, պարի համույթներ՝ «Սասնա Ծռեր» ազգագրական համույթին, «Կարին» ավանդական երգի-պարի համույթին, Հայաստանի պարի պետական անսամբլին, «Տարոնցիներ» ազգագրական երգի-պարի համույթին;</li><li>Համերգը վարողներին՝ Եգոր Գլումովին, Արսեն Ղազարյանին և Աշոտ Գևորգյանին:</li></ul><p> </p>